Kancelarja gjermane, Angela Merkel, nuk do të kandidojë për një mandate tjetër në krye të CDU-së.
Pas dështimit të partisë së saj në zgjedhjet e Hessenit, ku megjithëse doli forcë kryesore, pësoi humbje të ndjeshme dyshifrore, Merkel ka vendosur të mos kandidojë më për kryetare.
Lajmin e bëjnë të ditur agjencitë gjermane të lajmeve, të cilat u referohen qarqeve brenda partisë.
Sipas tyre, Merkel ua ka bërë të ditur këtë vendim politikanëve kryesorë të CDU-së gjatë një mbledhjeje të kryesisë.
Megjithatë ajo do të qëndrojë në postin e kancelares gjermane. Merkel e ka drejtuar partinë e kristiandemokratëve, CDU, për 18 vjet me radhë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
