Dita e hapjes së fushatës mes dy forcave politike, PS dhe PD vazhdon të jetë në qendër të replikave mes tyre. Kryeministri Edi Rama komentoi fillimisht sot ceremoninë e çeljes së fushatës së PD, në nisjen e vaksinimit masiv, ku tha:
“Këta janë një tufë personazhe, që humoristi nuk do i fuste në një pjesë estrade. Ata as në kohë pandemie nuk menduan. Vajtën u turrën atje krijuan një vatër zinxhiri infektimi. Lutem për ta. Uroj që mos t’i ndodh gjë. Uroj që mos ta përfundojnë mitingun duke e bërë tek Shefqet Ndroqi”.
Pas këtij komenti erdhi dhe reagimi i PD-së, ndërsa renditi disa nga premtimet e pambajtura të qeverisë Rama:
“Turp është të lësh mijëra qytetarë pa çati mbi kokë për një vit e gjysmë. Papërgjegjshmëri është të mbash Shqipërinë në vendnumëro për 8 vite, ta largosh atë nga BE-ja dhe të mos u ofrosh asnjë të ardhme shqiptarëve. Rrumpallë është fushata e Ramës, që nuk ka asnjë arritje për të shpalosur, ndaj flet gjithë ditën për kundërshtarët”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
