Në kulmin e krizës së krijuar nga tërmeti shkatërrues mazhoranca qeverisëse do të zgjedh pa shumë zhurmë kryeprokurorin e ri të Shqipërisë. Në seancën plenare të datës 5 dhjetor, në rendin e ditës është e përfshirë edhe kjo pikë.
“Projektvendim “Për zgjedhjen e Prokurorit të Përgjithshëm”. pdf (Neni 148/a Kushtetutë, neni 35 i ligjit nr. 97/2016 “Për organizimin dhe funksionimin e Prokurorisë në Republikën e Shqipërisë”, votim i fshehtë, shumicë e cilësuar votash për miratim, 3/5 të të gjithë anëtarëve të Kuvendit). Koha e votimit”, thuhet në pikën 15 të rendit të ditës.
Në kohën kur e gjithë vëmendja e opinionit publik është fokusuar tek tragjedia nga tërmeti me 51 jetë të humbura, seanca e së enjtjen do të kalohet në heshtje për të votuar emrin e kryeprokurorit me mandat 7 vjecar.
Këshilli i Lartë i Prokurorisë ka dërguar në Kuvend tre kandidatë për kryeprokuror, saktësisht Arta Marku, Fatjona Memçaj dhe Olsian Çela.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
