Një shkëndijë në rrjetin elektrik ka shkaktuar një zjarr pranë godinës së Postës, në zonën e Qafës së Pazarit në Gjirokastër.
Flakët përfshinë një tabelë reklamuese, duke krijuar rrezik për përhapjen e zjarrit edhe në godinën pranë saj. Pamjet nga vendngjarja tregojnë momentet kur zjarri kishte përfshirë strukturën reklamuese.
Shërbimi zjarrfikës ka ndërhyrë menjëherë dhe ka bërë të mundur neutralizimin e flakëve, duke shmangur përhapjen e mëtejshme të zjarrit.
Për arsye sigurie, energjia elektrike në zonë u ndërpre përkohësisht deri në stabilizimin e situatës dhe eliminimin e rrezikut. Nuk raportohet për persona të lënduar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
