Hoteli Jugosllavija në Beograd, simbol i epokës së real socializmit të Josip Broz Titos dhe skenë e ngjarjeve që formësuan historinë e vendit, deri në lindjen e Serbisë, përfundon në ankand për rreth 27 milionë euro.
I ndërtuar në vitin 1969, ai u konsiderua si një nga hotelet më luksoze dhe më të bukur në botë, ndër 5 më të mëdhenjtë në Evropë, falë pamjes panoramike të Danubit dhe llambadarit më të madh Swarovski në planet (deri në vitin 2010) i përbërë nga 40.000 kristale.
E kaluara e tij legjendare, e përbërë nga samite politike ndërkombëtare dhe festa të mëdha, i dha atij krijimin e një dokumentari, “Hotel Jugoslavija”, nga regjisori zviceran Nicolas Wagnieres, i vlerësuar me çmimin “Ariu i Artë” në Festivalin e Filmit në Berlin në 2018.
Por historia ndryshon në ditët e sotme, Jugoslavija është objekt i interesit të agjencisë serbe për mbikëqyrjen e falimentimeve dhe sytë janë përqendruar te “Danube Riverside”, kompania, ish-Alpe Adria Hotels, e cila kishte fituar hotelin në vitin 2006 dhe kishte premtuar pa sukses, të rifillonte.
Që atëherë, me kalimin e viteve ai është shndërruar në një hotel të thjeshtë me 3 yje, me një stil arkitekturor sovjetik, me një restorant meksikan me çmim fiks, një restorant me kuzhinë tradicionale serbe dhe një kazino të klasit të dytë.
Nuk është e vështirë për të gjetur dhoma me tarifa “low cost” ndërmjet 40 dhe 50 euro për natë, duke përfshirë dhe mëngjesin.
Duket pothuajse e pamundur që të njëjtat dhoma, në dekadat e shekullit të kaluar, të strehonin mbretër, mbretëresha, krerë shtetesh dhe yje ndërkombëtarë që kur Presidenti Tito e kishte përfshirë hotelin në protokollin e tij zyrtar.
Nga Elizabeta II, e cila mblodhi përfaqësuesit diplomatikë të Commonwealth në dhomat e hotelit luksoz, te Muammar Gaddafi, nga Neil Armstrong dhe te Tina Turner.
Por edhe presidentët e SHBA Richard Nixon dhe Jimmy Carter dhe astronautët e Apollo 11, të cilët e vizituan atë në tetor 1969, viti i hapjes së tij, kur u pritën në Jugosllavi si heronj pas uljes në Hënë.
Në vitin 1972, mbretëresha Juliana e Holandës dhe burri i saj Bernhard organizuan një pritje për nder të Titos, mbretëresha e përshkroi hotelin si “mbresëlënës dhe magjepsës”.
Edhe pse punimet e ndërtimit kishin filluar në vitin ‘47 bazuar në projektin e tre arkitektëve të shkollës moderniste të Zagrebit, në ‘48, kur Tito u nda me Stalinin, puna u ndal.
Bombardimet e NATO-s në Jugosllavi në maj 1999 goditën dhe dëmtuan ndërtesën, duke e bërë atë të pabanueshme.
Krahu perëndimor është dëmtuar rëndë, ndërsa aneksi dhe krahu verior janë shembur plotësisht. Rikonstruksioni filloi në tetor ‘99. Vetëm disa pjesë u rinovuan plotësisht, ndërsa pjesët e tjera u riparuan vetëm sa për të shmangur shembjen e mëtejshme.
Më 31 dhjetor të po këtij viti, me rastin e festës së ndërrimit të viteve, hoteli u rihap.
Nga viti 2006, viti që duhej të shënonte rilindjen e tij, e deri më sot, ka pasur disa mbyllje dhe rihapje për publikun, por atmosfera e pompozitetit, luksit dhe institucionalitetit ka humbur gradualisht.
Në vitin 2011 u miratuan planet e modifikimit strukturor dhe një vit më pas pronarët shpallën rihapjen për vitin 2015.
Në vitin 2013 disa pjesë të hotelit u hapën për herë të parë pas shtatë vitesh por jo për mysafirët, ndërsa disa kate u morën me qira si zyra.
Duke shfletuar internetin është e lehtë të hasësh komente që e përshkruajnë kompleksin e akomodimit si “thjesht të përshtatshëm”, ndërsa dhomat, të njëjtat në të cilat flinin mbretërit dhe mbretëreshat, sot nuk janë asgjë më shumë se të rrënuara dhe me erë të keqe.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
