Presidenti Donald Trump ka nënshkruar një projekt-ligj, që u jep pacientëve të drejtën për të provuar trajtimet eksperimentale të pamiratuara nga qeveria.
Pacientët ishin në gjendje të aplikonin në Administratën e Ushqimeve dhe Barnave (FDA) për akses në ilaçet e pamiratuara më parë dhe shumica iu dha leje.
Projektligji i ri nuk urdhëron që bërësit e ilaçeve t'u japin pacientëve që u kërkojnë atyre medikamente të paaprovuara.
Grupet e avokimit përfshirë Shoqatën Amerikane të Kancerit e kishin kundërshtuar projektligjin.
"Amerika është një komb luftëtarësh dhe kurrë nuk heqim dorë, apo jo?", u tha Trump pacientëve dhe familjeve të tyre gjatë një ceremonie të nënshkrimit të projekt-ligjit në Shtëpinë e Bardhë, të mërkurën.
Pas nënshkrimit të projektligjit, Trump ia dorëzoi penën nëntëvjeçarit Jordan McLinn, i cili është diagnostikuar me një formë të distrofisë muskulare terminale.
Jordan, emrin e të cilit merr ligji, është pranuar në një program klinik në Çikago, ku ai ka marrë infuzione javore.
E drejta e re për të provuar këtë akt lejon që pacientët me sëmundje kërcënuese për jetën të anashkalojnë procesin e aplikimit në FDA për përdorimin e barnave eksperimentale.
Pacientët që kërkojnë akses në këto ilaçet tani kanë nevojë vetëm për miratimin e mjekut të tyre dhe të prodhuesit të ilaçeve.
Ligji i ri mbron mjekët dhe kompanitë nga rreziqet ligjore të lejimit të trajtimeve të paaprovuara nëse ata nuk e dëmtojnë me dashje një pacient.
Nërkohë mbetet në fuqi opsioni që pacientët duhet të kenë shteruar të gjitha trajtimet e tjera të aprovuara.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
