Ish presidenti amerikan, Donald Trump po përballet me një gjyq civil pasi akuzohet për përdhunim. Trump akuzohet se ka abuzuar me një grua gati tre dekada më parë. Trump ka mohuar akuzat e E Jean Carroll se ai e sulmoi atë në një dyqan të Manhattan.
Megjithëse kjo nuk është një çështje penale, pasojat për Trump mund të jenë megjithatë serioze. Nëse Carroll fiton gjyqin, do të ishte hera e parë që ish-presidenti, i cili ka qenë subjekt i shumë akuzash, do të shpallej ligjërisht përgjegjës për një sulm seksual.
79-vjeçarja Carroll pretendon se sulmi ndodhi në një dyqan në Manhattan në fund të vitit 1995 ose në fillim të 1996. Dyshja ishin takuar me njëri-tjetrin gjatë blerjeve. Më pas, Trump dyshohet se i kërkoi asaj këshilla kur blinte të brendshme për një grua tjetër dhe me shaka i kërkoi asaj t’i vishte ato.
Por një herë në dhomat e zhveshjes, Carroll tha se manjati i pasurive të paluajtshme u hodh drejt saj, e mbështeti pas një muri dhe e sulmoi. Ajo nuk e raportoi takimin e supozuar në polici sepse “ishte në shok dhe nuk dëshironte të mendonte për veten si viktimë e përdhunimit”.
Trump ka mohuar akuzat që kur zonja Carroll doli me këtë pretendim në 2019. Ai i ka përshkruar pretendimet e saj si një mashtrim në platformën e tij të mediave sociale Truth Social, duke thënë se përdhunimi i supozuar “nuk ka ndodhur kurrë”.
Deri më tani është e paqartë nëse Trump do të paraqitet gjatë gjyqit, i cili pritet të zgjasë deri në dy javë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
