Zjarret në Hawai, 53 të vdekur në ishullin Maui

Numri i ri i të vdekurve nga zjarri me përmasa të mëdha që ka përfshirë prej ditësh ishullin Maui, në Haqai, është të paktën 53 të vdekur.

17 viktima të tjera janë konfirmuar në zjarrin e Lahaina, thanë autoritetet lokale, duke konfirmuar se numri total i viktimave është 53 të vdekur, teksa qindra të tjerë rezultojnë të zhdukur.

Dëshmitë i referohen skenave apokaliptike në qytetin Lahaina, një destinacion turistik, ku shumë njerëz vrapuan në det për t’i shpëtuar flakëve dhe ku qindra ndërtesa në qendrën historike u shkatërruan nga flakët.

Zemra e qytetit Lahaina, komuniteti Maui më i goditur nga zjarret, është zhdukur plotësisht, tha të enjten kryetari i bashkisë.

“Ka ikur e gjitha. Gjithçka është shkatërruar dhe djegur deri në tokë”, deklaroi kryebashkiaku Richard Bissen.