Muaji i hapur i vaksinimit, Manastirliu: Fokusi tek moshat mbi 50 vjeç, synojmë dhe studentët

Data 1 gusht shënoi ditën e parë të muajit të hapur të vaksinimit masiv ku qytetarët mbi 18 vjeç mund të paraqiten për të injektuar dozat.

Ministrja e Shëndetësisë, Ogerta Manastirliu në ditën e dytë të muajit gusht ka bërë sërish thirrje qytetarëve të vaksinohen.

Ajo thotë se fokusi kryesor këtë muaj janë moshat mbi 50 vjeç të cilat janë më të rrezikuarat.

Manastirliu ka kujtuar se gjatë gushtit duhet të vaksinohen edhe studentët pasi në vjeshtë do të kthehen në auditorët e universiteteve dhe duhet të jenë më të mbrojtur.

Ne jemi të angazhuar të vazhdojmë me vaksinimin e të gjithë qytetarëve +18 vjeç, duke ndalur fokusin tek ata të cilët janë më të rrezikuar +50 vjeç, por duke synuar edhe studentët të cilët duhet të jenë sa më të mbrojtur në auditore për vitin e ri akademik. Vaksinimi anti-Covid në qendrën shëndetësore në Sarandë ka ecur me ritme shumë të mira mbi 17.000 vaksinime janë kryer në këtë qendër.