Kanë filluar në Kajro bisedimet mes Izraelit dhe grupit palestinez Hamas për fazën tjetër të armëpushimit të Gazës. Nisja e negociatave bën të mundur shmangien e një kolapsi të armëpushimit.
Sipas marrëveshjes në fjalë, armëpushimi do të jetë në fuqi gjatë bisedimeve për fazën e dytë, të cilat synojnë ti japin fund luftës, duke përfshirë kthimin e të gjithë pengjeve të mbetura në Gaza që janë gjallë, dhe tërheqjen e të gjitha trupave izraelite nga territori. Kthimi i pengjeve të mbetura të vdekur do të ndodhte në fazën e tretë.
Sulmet e Izraelit kanë shkaktuar më shumë se 48,000 viktima palestineze, kryesisht gra dhe fëmijë, dhe detyruan rreth 90% të popullsisë së Gazës të zhvendoseshin nga banesat e tyre.
Nga ana e tij Hamasi ka thënë se është i gatshëm të lirojë të gjithë pengjet e mbetura nëse arrihet dakordësia për fazën e dytë. Ajo ka kthyer deri më tani 33 pengje, duke përfshirë tetë trupa, në këmbim të afro 2000 të burgosurve palestinezë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
