Moti sot, i kthjellët, temperaturat deri në 36°C

Sipas meteoAlb, orët e paradites do të vijojnë të jenë nën ndikimin e një moti të kthjellët dhe të nxehtë në të gjithë vendin. Gjatë pasdites pritet kalim i vranësirave në të gjithë territorin e vendit. Më të dukshme vranësirat do të jenë në zonat malore, verilindore dhe juglindore duke gjeneruar shira të izoluar. Parashikohet që gjatë natës vonë të ketë shtim të vranësirave në të gjithë zonën lindore të vendit, duke rrezikuar shira të dobëta dhe të përkohshme. Temperaturat e ajrit do të rriten ndjeshëm si në mëngjes dhe në mesditë duke luhatur vlerat ditore nga 16°C deri në 36°C.