Skënder Hitaj zgjidhet Drejtor i Përgjithshëm i Policisë së Shtetit

Skënder Hitaj është zgjedhur Drejtor i Përgjithshëm i Policisë së Shtetit, duke zëvendësuar Ilir Prodën.

Lajmi është bërë i ditur nga ministri i Brendshëm, Besfort Lamallari, duke thënë se një vendim i tillë është i bazuar në meritë, profesionalizëm dhe integritet.

Ministri shton se Skënder Hitaj ka rezultuar ndër kandidatët më të vlerësuar nga një proces konkurrues, duke dëshmuar përvojë të spikatur, vizion të qartë strategjik dhe angazhim të palëkundur ndaj ligjit dhe qytetarëve.

Sot në mbledhjen e Këshillit të Ministrave miratuam vendimin për dhënien e gradës Drejtues Madhor dhe emërimin e Drejtorit të Përgjithshëm të Policisë së Shtetit, z.Skënder Hitaj. Ky është një vendim i bazuar në meritë, profesionalizëm dhe integritet.  

 

Skënder Hitaj ka rezultuar ndër kandidatët më të vlerësuar nga një proces konkurrues, duke dëshmuar përvojë të spikatur, vizion të qartë strategjik dhe angazhim të palëkundur ndaj ligjit dhe qytetarëve. Policia e Shtetit ka një rol kyç në garantimin e rendit dhe sigurisë publike. Prandaj, drejtimi i saj kërkon jo vetëm aftësi profesionale, por edhe ndershmëri, etikë dhe përgjegjësi të lartë publike. 

 

Jam i bindur se, nën drejtimin e tij, Policia e Shtetit do të vijojë të forcojë performancën, të rrisë besimin e qytetarëve dhe të përmbushë me përkushtim misionin e saj në shërbim të sigurisë dhe shtetit të së drejtës.