Thalita do Valle kishte përvojë luftarake pasi kishte luftuar kundër ISIS në Irak. Ajo kishte hequr dorë nga jeta e rehatshme dhe kishte shkuar të luftonte agresorët rusë në Ukrainë.
Thalita do Valle, një modele nga Brazili, ishte zhvendosur në Kharkiv dhe po luftonte si snajperiste. Më 30 qershor, ajo u vra nga një raketë ruse, ashtu si ushtari tjetër brazilian Douglas Burigo, raportojnë mediat ndërkombëtare.
Vëllai i Thalitës, Theo Rodrigo Viera, tha në media se motra e tij ishte një heroinë duke e lavdëruar 39-vjeçaren që rrezikoi jetën e saj për të shpëtuar ato të të tjerëve në tre javë që kishte luftuar.
Thalita kishte qenë më parë në kryeqytetin e Ukrainës, Kiev, ku i kishte mbijetuar një tjetër sulmi me bombë. Gjatë asaj kohe, komunikimi me familjen e saj ishte shumë i kufizuar pasi ajo u thoshte se telefonat e tyre celularë po monitoroheshin nga dronët rusë dhe se mund të telefononte vetëm për t’i njoftuar se ishte mirë dhe e sigurt.
Hera e fundit që Thalita kishte folur me familjen e saj ishte javën e kaluar, kur sapo kishte mbërritur në Kharkiv.
Përveç karrierës së saj ushtarake, Thalita kishte studiuar drejtësi dhe kishte marë pjesë në shpëtimin e kafshëve si pjesë e një organizate joqeveritare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
