Shtatë korridore evakuimi pritet të hapen këtë të shtunë në Ukrainë

Shtatë korridore evakuimi përgjatë rrugëve kryesore pritet të hapen në Ukrainë të shtunën, sipas zëvendëskryeministres ukrainase Iryna Vereshchuk.

Duke njoftuar korridoret në një postim në Facebook të shtunën, Vereshchuk tha se lista përfshin rrugën nga qyteti jugor i rrethuar i Mariupolit në qytetin e mbajtur nga qeveria të  Zaporizhzhia në Ukrainën juglindore.

Transporti privat do të udhëtojë përgjatë rrugës së evakuimit, duke u ndalur në Mangush, Berdiansk, Tokmak, Vasylivka dhe Kamyanske, përpara se të mbërrijë në destinacionin përfundimtar të Zaporizhzhia.

Vereshchuk njoftoi në një video-mesazh të premten në mbrëmje se një autokolonë prej 42 autobusësh që udhëtonin nga qyteti jugor i Berdiansk, që transportonin banorë nga qyteti i rrethuar i Mariupol kishte arritur të kalonte një pikë kontrolli kyç rus dhe ishte rrugës për në Zaporizhzhia. Ajo kolonë mbërriti në Zaporizhzhia më vonë atë natë.

Vereshchuk e përshëndeti mbërritjen si një sukses, pas përpjekjeve të qeverisë ukrainase për të "hapur korridoret nga Mariupol në Zaporizhzhia" që nga 5 marsi.

Një total prej 6,266 personash u evakuuan nga qytetet e Ukrainës të premten, duke përfshirë 1,431 njerëz që u zhvendosën nga qytetet jugore të Berdiansk dhe Melitopol me automjetet e tyre në Zaporizhzhia përmes korridoreve të evakuimit, sipas Vereshcuk. Ajo shtoi se nga ky numër, 771 persona erdhën fillimisht në Mariupol.

Një rrugë për autobusë dhe automjete private nga Berdiansk në Zaporizhzia pritet gjithashtu të funksionojë të shtunën, me ndalesa të planifikuara në Tokmak, Vasylivka dhe Kamyanske.

Rrugët e evakuimit do të hapen gjithashtu nga qyteti i Rubizhne në rajonin e kontrolluar nga separatistët e Luhansk në Bakhmut në rajonin lindor të Donetsk, i kontrolluar gjithashtu nga separatistët e mbështetur nga Rusia.

Linjat e mbetura do të funksionojnë nga Nizhny në Bakhmut, Severodonetsk në Bakhmut, Popasna në Bakhmut dhe Lysychansk në Bakhmut.