Në seancën parlamentare ku diskutohet projektbuxheti dhe paketa fiskale, Kryeministri Edi Rama shpjegoi se kush do të përfitojë nga fshirja e detyrimeve të papaguara.
Ai detajoi format në të cilat do të funksionojë “paqja fiskale”.
Do të ketë fshirje të plotë e detyrimeve të papaguara më të vjetra se 10 vite. Do të ketë fshirje 50% për detyrimet nga 5 deri në 10 vite.
Nëse pjesa e mbetur paguhet menjëherë, me fshirje totale të gjobave dhe të interesave, fshirje 25% e detyrimeve e periudhës 5 deri në 10 vite.
Ndërkohë fshirja e gjobave dhe kamatëvonesave do të jetë për periudhën 1-5 vite me kusht që të paguhet i plotë tatimi dhe kontributi i asaj periudhë.
Rama shtoi se bizneset jo vetëm do të kenë mundësi të lehtësohen nga kjo barrë e vjetër, por do të kenë edhe mundësinë të deklarojnë pasqyrimet e mëparshme financiare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
