Kryetarja e LSI-së ka mbledhur sot kryesinë e partisë për të diskutuar rreth strategjisë që do ndjekë partia e saj tashmë në opozitë. Kryetarja Monika Kryemadhi tha në emër të LSI-së se në kushtet e krijuara pas zgjedhjeve të 25 qershorit, vendi ka nevojë për një front të fortë opozitar. Ajo akuzoi maxhorancën e dalë nga zgjedhjet se ka deformuar vullnetin e votuesve.
“Së bashku, LSI do të punojë që demokracia në Shqipëri të fuqizohet dhe shqiptarët të vendosin sa më parë që të jetë e mundur sovranitetin dhe institucionet e cenuara rëndë nga zgjedhjet e para dhe pas 25 qershorit. Demokracia në vend ka nevojë më shumë se kurrë për një opozitë të fuqishme. Maxhoranca e dalë nga 25 qershori është fiktive përmes një procesi të deformuar. Fatet e demokracisë janë në udhëkryq dhe kjo kërkon krijimin e një fronti kombëtar pa dallime ideologjike. Kërkoj angazhimin e të gjithë antërave të LSI. Do të vazhdojmë evidentimin e farsës së 25 qershorit. Ne do të bashkëpunojmë me të gjithë faktorët politikë dhe qytetarë në përmbushje të këtij funksioni”, tha ajo.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
