Avokati i njohur greke që mbron Klement Balilin është përfshirë në një aksident rrugor me makinë në aksin nacional Selanik-Athinë.
Lajmin e bën me dije gazeta greke “Protothema.gr” sipas të cilës, avokati i njohur Alexis Kougias është aksidentuar në orët e paradites së sotme (12 shkurt). Automjeti i tij është përplasur me një kamion, por fatmirësisht ai nuk ka pësuar lëndime të mëdha çka mund t’i rrezikonin jetën.
Gazeta greke ka kontaktuar me avokatin e njohur të çështjeve penale, i cili ka konfirmuar incidentin dhe ka deklaruar: “Unë pashë vdekjen me sytë e mi dhe kam pasur një aksident të rëndë me makinën time. Jam mirë me shëndet”.
Avokati shkoi në spital dhe pas ndihmës mjekësore u largua për në banesë. Avokati Kougias mbron në Greqi çështjen e Klement Balilit, i shpallur në kërkim ndërkombëtar nga Interpoli dhe nga autoritetet shqiptare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
