"Ne duhet t'i japim Ukrainës armë më të fuqishme dhe duhet ta bëjmë këtë gjë sa më shpejt të jetë e mundur”.
Kështu deklaroi sekretari i përgjithshëm i NATO-s, Jens Stoltenberg në Berlin, në një deklaratë pas takimit me ministrin e ri të Mbrojtjes, Boris Pistorius.
“NATO nuk duhet të bëhet pjesë e konfliktit”, përsëriti ministri i Mbrojtjes Pistorius.
“Kohezioni i aleancës është i një rëndësie qendrore, sinjale të qarta vendosmërie duhet të dërgohen edhe ndaj agresorit rus”, vazhdoi ai.
Pistorius gjithashtu kujtoi edhe një herë se Gjermania është "ndër vendet që furnizojnë më shumë armë në Ukrainë, me 3.3 miliardë euro armë të dorëzuara. Vetëm Britania e Madhe në Evropë e ka bërë këtë në të njëjtën masë", tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
