Presidentja e Komisionit Evropian Ursula von der Leyen e ka quajtur ‘turp’ vendimin e fundit të qeverisë hungareze dhe ka njoftuar që ekzekutivi i saj do t'i dërgojë një letër zyrtare Hungarisë mbi ligjin e fundit anti-LGBT.
Ligjvënësit hungarezë miratuan këtë muaj një projekt-ligj që e bën të paligjshëm portretizimin e homoseksualitetit dhe ndryshimin e seksit në materialin arsimor shkollor dhe programet televizive për personat nën moshën 18 vjeç, shkruan Euronews.
Qeveria e Kryeministrit Viktor Orban argumenton se ligji synon kryesisht pedofilinë.
Konflikti midis komunitetit LGBT dhe pedofilëve është denoncuar ashpër nga ekspertët e të drejtave të njeriut dhe shoqëria civile për përjetësimin e stereotipeve të dëmshme.
"Ky projekt-ligj hungarez është një turp," tha von der Leyen të mërkurën.
"Unë kam udhëzuar Komisionerët e mi të përgjegjshëm Evropianë ti shkruajnë një letër autoriteteve Hungareze duke shprehur shqetësimet tona ligjore përpara se projektligji të hyjë në fuqi. Ky projektligj qartë diskriminon njerëzit në bazë të orientimit të tyre seksual dhe shkon kundër të gjitha vlerave themelore të Bashkimit Evropian” shton von der Leyen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
