Nga 24 shkurti kur Rusia sulmoi Ukrainën deri më 27 nëntor Zyra e Komisionerit të Lartë të Kombeve të Bashkuara për të Drejtat e Njeriut ka regjistruar 17,023 viktima civile në Ukrainë, të cilat përfshijnë 6,655 të vrarë dhe 10,368 të plagosur.
Shumica e viktimave civile të regjistruara u shkaktuan nga përdorimi i armëve shpërthyese me efekte të mëdha në zonë, duke përfshirë bombardimet e artilerisë së rëndë, sistemet e raketave lëshuese të shumta, raketat dhe sulmet ajrore.
Zyra e Komisionerit të Lartë të Kombeve të Bashkuara për të drejtat e njeriut beson se shifrat aktuale janë dukshëm më të larta, sepse marrja e informacionit nga disa vende ku ndodhën armiqësitë intensive është vonuar dhe shumë raporte janë ende në pritje të konfirmimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
