Akuzohet për vjedhjen e katër banesave, policia kap në flagrancë 21-vjeçarin

Policia e Elbasanit ka arrestuar sot një 21-vjeçari i cili po tentonte që të vidhte një banesë në këtë qytet.

Policia me anë të një njoftimi për mediat bën me dijes e arrestim i tij është bërë pasi ai ka kundërshtuar dhe forcat e policisë.

Më tej në njoftimin për mediat që japin uniformat blu behet me dije se  ky shtetas i identifikuar me inicialet T.Q. dyshohet se është autori i katër vjedhjeve të tjera të bëra kohet e fundit në Elbasan.

"Arrestimi u krye pasi në orët e para të mëngjesit në lagjen “5-Maj”, ky shtetas është kapur në flagrancë duke tentuar të vjedhë në banesën e shtetases Sh.M., banuese në Elbasan. Ky shtetas në momemtin e shoqërimit ka kundërshtuar shërbimet e Policisë.

Nga veprimet hetimore të kryera rezulton se ky shtetas dyshohet të jetë autor edhe i katër vjedhjeve të kryera më parë, konkretisht:

• Më datë 20.10.2018, në lagjen “Emin Matraxhiu” Elbasan, dyshohet se ka vjedhur me thyerje banesën e shtetasit E.T., ku kanë marrë 40.000 lekë dhe 200 euro.
• Më datë 29.10.2018, gjatë natës në lagjen “Shënkoll” Elbasan, dyshohet se ka vjedhur banesën e shtetasit B.C., ku ka vjedhur 2 televizorë plazma dhe disa vegla pune me vlerë rreth 2000 euro.
• Më datë 08.11.2018, dyshohet se ka vjedhur në banesën e shtetasit A.B, ku ka marrë një televizor “Plazma”, 32 polësh.
• Më datë 20.11.2018, në lagjen “Haxhias” Elbasan, dyshohet se ka vjedhur në banesën e shtetasit M.P., ku ka marrë 70000 lekë dhe disa bizhuteri", bën me dije policia.

Materialet hetimore do ti kalojnë Prokurorisë së Rrethit Gjyqësor Elbasan për veprime të mëtejshme.