Ukraina ka marrë për herë të parë një ngarkesë me gaz natyror të lëngshëm nga Shtetet e Bashkuara.
Këtë e ka bërë të ditur shefi i zyrës së presidentit ukrainas, Andriy Yermak, cituar nga Sky News.
"Ky është një hap strategjik. Pavarësisht përpjekjeve të Rusisë për të shkatërruar sistemin tonë energjetik gjatë luftës, ne kemi arritur një fitore tjetër në frontin e energjisë", tha Yermak.
Ukraina, e cila dikur ishte pjesërisht e varur nga gazi rus, nuk ka blerë gaz direkt nga Moska që nga viti 2015, pasi Rusia pushtoi dhe aneksoi Krimenë dhe mbështeti militantët separatistë në Ukrainën lindore.
Dërgesa, e cila mbërriti nëpërmjet Greqisë, u mor nga Dtek, kompania më e madhe private e energjisë në Ukrainë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
