Shkon në 38 numri i personave të infektuar me koronavirus në Shqipëri

Tridhjet e tetë persona janë konfirmuar me Covid-19 në Shqipëri, nga 505 raste të dyshuara.

Lajmi është konfirmuar nga Drejtoresha e Institutit të Shëndetit Publik, Albana Fico, e cila deklaroi se në 24 orët e fundit ka vazhduar pa u ndalur puna në terren, për identifikimin e rasteve dhe për gjurmimin e kontakteve të rasteve të konfirmuara tashmë me Covid-19.

Nga rastet e konfirmuara pozitivë:

Tiranë, 22 raste

Durrës, 5 raste (njëri prej të cilëve ka ndërruar jetë)

Lushnje, 2 raste

Elbasan, 2 raste

Fier, 5 raste

Rrogozhinë, 2 raste

 Prej tyre:

12 janë të shtruar në spitalin Infektiv (nga Tirana, Durrësi, Fieri, Lushja dhe Rrogozhina)

 Dy prej tyre janë në terapi intensive, një 66 vjecar nga Lushnja dhe një 61-vjecare nga Fieri.

Ndërsa, pjesa tjetër e të shtruarve në pavion janë në gjendje të stabilizuar deri në këto momente.

Ajo u bëri thirrje edhe një herë të gjithë qytetarëve, të respektojnë rregullat e reja dhe të qëndrojnë në shtëpi. Të kufizojmë rrezikun sa më shumë të jetë e mundur!