Gjatë qëndrimit në Bratislavë, Ministri në Detyrë për Europën dhe Punët e Jashtme, Gent Cakaj, zhvilloi një takim me Zëvendës Sekretarin e Përgjithshëm të NATO-s, Mircea Geoana.
Lajmin e ka bërë të ditur, vetë Cakaj përmes një postimi në 'Facebook' ku shprehet se tematika e diskutimit të këtij takimi ishtë kontributi ushtarak e teknik i Shqipërisë në NATO si dhe prioritetet e Shqipërisë gjatë Kryesisë së OSBE-së.
"Gjatë qëndrimit në Bratislavë zhvilluam edhe një takim me Zëvendës Sekretarin e Përgjithshëm të NATO-s, z. Mircea Geoana !
Ndamë pikëpamje të njëjta lidhur me kontributin e NATO-s në stabilizimin e zhvillimin e rajonit dhe kontributin ushtarak e teknik të Shqipërisë në NATO. Theksuam edhe njëherë përkushtimin për arritje të objektivit 2% në shpenzimet e mbrojtjes deri në 2024.
Po ashtu, biseduam për prioritetet e Shqipërisë gjatë Kryesisë së OSBE-së dhe nevojën për vazhdim të komunikimit të shkëlqyer në shërbim të vlerave e interesave të përbashkëta", shkruan Cakaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
