Netta Barzilai me këngën “Toy” është shpallur fituesja e Eurovizionit për këtë vit, në finale e mbajtur mbrëmë në Portugali. Këngëtarja izraelite arriti të grumbullojë numrin më të madh të pikëve në garën ku morën pjesë 26 vende.
Përfaqësuesi i Shqipërisë në garë, Eugent Bushpepa, u rendit i 11-ti, me 184 pikë. Megjithatë, dy shqiptarët e tjerë që garonin në emër të Qipros dhe Italisë, Eleni Fureira dhe Ermal Meta, u futën në pesëshen e parë. Përkatësisht, Fureira u rendit e dyta, ndërsa Ermal Meta dhe Fabrizio Moro pozicionuan në vendin e pestë.
Konkursi europian i këngës u zhvillua në 3 net. Në natën e parë u zgjidhën 10 finalistë, po aq në natën e dytë, ndërsa finalja mblodhi bashkë performancat e të 20-ëve përfaqësuesin e vendit fitues që kalon automatikisht në finale vitin pasardhës dhe përfaqësuesit e vendeve që njihen si “big five”, ndryshe vendet që kanë kontribuuar ekonomikisht në organizimin e spektaklit (Italia, Britania, Gjermania, Spanja dhe Franca).
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
