Holanda e shfuqizoi zyrtarisht skllavërinë në kolonitë e saj në vitin 1863, por vetëm kohët e fundit filloi të pranonte në mënyrë aktive përfshirjen e saj në praktikat çnjerëzore të nënshtrimit dhe shfrytëzimit. Gjatë një aktiviteti në Amsterdam për 160-vjetorin e çlirimit të skllevërve në Holandë dhe ish-kolonive holandeze në Karaibe mbreti Guljelm-Aleksander kërkoi zyrtarisht falje për përfshirjen e vendit të tij në skllavëri, duke thënë se kjo çështje e kishte prekur atë "personalisht”. “Sot qëndroj para jush si mbret dhe anëtar i qeverisë. Ne bartim me vete tmerret e së kaluarës së tregtisë së skllevërve, pasojat e të cilës ndihen ende në formën e racizmit në shoqërinë e sotme. I ndjej fort në zemër dhe shpirt, sot kërkoj falje”. Mbreti kërkoi gjithashtu falje për "mungesën e dukshme të vullnetit të paraardhësve të tij për të dënuar këtë krim kundër njerëzimit". Skllavëria u shfuqizua zyrtarisht në vitin 1863 në kolonitë holandeze, të cilat përfshinin Surinamin dhe ishujt e Karaibeve, Curaçao dhe Aruba, por shumë shërbëtorë u detyruan të punonin në plantacione për një dekadë tjetër për të kufizuar humbjet ekonomike të pronarëve. Kjo do të thoshte se për shumicën e skllevërve skllavëria nuk mbaroi deri në 1873. Roli i Holandës në tregtinë globale të njerëzve të skllavëruar ka qenë prej kohësh një temë e neglizhuar diskutimi, por vitet e fundit qeveria holandeze është përpjekur në mënyrë aktive ta pranojë atë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
