Bakalli: Shkrirja e Ministrisë së Diasporës ogur i keq, 300 milionë nga buxheti i saj u shfrytëzua për propagandë (VIDEO)

Përvecse mbetën jashtë votimit në zgjedhjet pralamentare, diaspora shqiptare mbeti edhe pa ministri. Në kabinetin e ri qeveritar kryeministri Edi Rama nuk e ka parë të arsyeshme vijmësinë e Ministrisë pa portofol të Diasporës, të cilën 4 vite më parë ia besoi Pandeli Majkos.

Pikërisht këtë vendim të qeverisë “Rama 3” në një lidhje Skype nga Kanadaja, Nador Bakalli, përfaqësues i Lëvizjes ‘Diaspora për Shqipërinë e Lirë’, e cilësoi si produkt të propagandës në raport me qeverinë shqiptare. Bakalli tha se nga 600 milionë që ishte buxheti i kësaj ministrie, 300 milionë u bënë fasadë dhe propagandë.

Intrervista:

1. Z. Bakalli si e komentoni këtë vëndim të shkrirjes së kësaj ministrie. Kujtojmë se z.Rama  thirri dy samite për diasporën e në të dyja premtoi ta realizonte votën e emigrantëve, por mandatin e tretë e mori pa votën e Diasporës.

Bakalli: Ky vendim konfirmon atë që ne kemi ditur se Ministria e Diasporës ishte produkt i propagandës në raport me qeverinë shqiptare. Ju përmendët edhe samitet të cilat ishin flluskë e kësaj qeverie. 300 milionë nga buxheti, pra gjysma kanë shkuar për fasadë. Botimi i librave, ruajtja e trashëgimisë kulturore etj., diaspora i ka ndërmarrë vetë. Shkrirja nuk është ogur i mirë sepse ishte një derë në të cilën kemi trokitur, por duke mos pasur fuqi ekzektuve nuk ka pasur produkt real. Vendimi ishte i pritshëm përderisa nuk kishte produkt.

2. Po të bëjmë një krahasim me 2 vendet të cilat janë afër zgjedhjeve, Maqedoni e Veriut si dhe Kosovë, shohim se po i jepet mjaft prioritet regjistrimit të Diasporës, gjë e cila po lobohet edhe nga qeveria shqiptare. Cili është komenti juaj?

Bakalli: Është krejt logjike ta bëjnë sepse diaspora është pjesa më vibrante dhe më e pakompromentuar dhe është në interesin e cdo vendi të jetë e përfshirë sepse do të japë kontributin e saj përmes votës. Ne nuk kemi aktet bazë për regjistrimin e diasporës. Kjo është shkelje kushtetuese dhe është e papranueshme të mbetet si ishull diaspora.

3. Cfarë plani ka Lëvizja Diaspora  për Shqipërinë e Lirë, për t’u bërë pjesë e zgjedhjeve të ardhshmë lokale?

Bakalli: Patjetër që po. Kjo punë i ka kaluar KQZ, nuk është më pjesë e qeverisë. Diskutimet tona kanë qenë të fokusuar tek zgjedhjet e përgjithshme por kjo nuk i përjashton zgjedhjet lokale. Do ndjekim një betejë ligjore në lidhje me këtë. Është e drejtë kushtetuese që diaspora të votojë dhe ne ia mohojmë këtë 3.1 milionë banorëve. Ne kemi konsulta me KQZ. Ne kemi parë modele gjithandej dhe i kemi dhënë KQZ modelet më të mira dhe unë do ti nxis që kjo punë të vazhdojë sepse është e papranueshme që në 2021-shin diaspora të mbetet pa votuar.