Ashtu siç kishte paralajmëruar, Presidenti Nishani ka mbledhur pasditen e sotme në Presidencë Këshillin e Sigurisë Kombëtare. Këshilli do të diskutojë mbi situatën e krijuar muajt e fundit lidhur me kultivimin e kanabisit në vend.
Në takim marrin pjesë kryeparlamentari Ilir Meta, ministri i Drejtësisë Ylli Manjani, kreu i SHISH Visho Ajazi Lika, Prokurori i Përgjithshëm Adriatik Llalla dhe ministrat Tahiri, Kodheli, Dervishi, Bushati, kreu i Komisionit të Sigurisë Spartak Braho, drejtori i Policisë së Shtetit, Haki Çako.
Në takim nuk është i pranishëm kryeministri Rama, i cili edhe më herët ishte shprehur kundër kësaj mbledhjeje. Megjithatë, ai në mbledhje përfaqësohet nga zevendëskryeministri Peleshi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
