Faik Basha, drejtues i departamentit të sigurisë në PL tha përmes një lidhje “Skype” me studion e MCN Live se Rama po tenton të instalojë në Shqipëri regjimin që Duvalier instaloi në Haiti.
Basha tha se ditën e djeshme, media të kapura nga qeveria trumbetonin para protestës (e cila është e drejtë e të gjithë qytetarëve) arrestime të atyre që do kërkonin të drejtën e tyre.
Rama po tenton të instalojë regjimin e Duvalier, i cili kapi ekonominë, opozitën, median dhe të gjithë ata që nuk iu bindën i ekzekutoi. Në një regjim të tillë, Duvalier ekzekutoi 30-60 mijë qytetarë. Regjimi i Duvalier i Ramës ka kapur ekonominë, policinë, bizneset dhe një pjesë të mediave.
Më tej, Basha tha se mjeti me të cilën Noka shkoi në protestë dje është i PD-së.
Noka ka vajtur me mjetin e institucionit të PD-së. Regjimi kur instalohet, mjeti i fundit është kapja e medias. Si mundet që disa gazetarë që mendojnë se kanë pjesë të CV-së së tyre profesionalizmin, të bien në llum. Duhet të identifikohet burimi i informacionit.
Sipas Bashës, nëse opozita do të vijojë me të njëjtën metodë duke i shtuar disa elementë të tjerë të mosbindjes civile të parët që do të dorëzohen janë punonjësit e policisë pasi janë shtresa më e keqtrajtuar dhe më e keqpaguar.
Presioni do të vazhdojë të rritet. Sinjalet ishin të jashtëzakonshme dje ku u paralizua jeta për 3 orë. Nëse ne do të vazhdojmë me të njëjtat metoda duke shtuar disa elementë të ndryshëm të mosbindjes civile pjesa e parë që dorëzohet do të jenë punonjësit e policisë që janë pjesa më e keqtrajtuar dhe më të keqpaguar në sistemin tonë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
