Pas publikimit të listës me emrat e prokurorëve të cilët do të kandidojnë për emërimin në KED, Prokurori i Përgjithshëm Olsian Çela ka pezulluar procesin e shprehjes së interesit nga kandidatët për në Këshillin e Lartë të Prokurorisë.
Ky vendim i prokurorit vjen pas masave të reja anti-Covid që u vendosën ditën e djeshme nga Komiteti Teknik i Ekspertëve.
Një ndër masat kufizuese ishte shmangia e grupeve me më shumë se 10 persona.
Nisur nga ky kufizim, nga ana e Prokurorit Çela është parë e arsyeshme të pezullohet ky proces si rrezik i lartë për përhapjen e virusit.
‘’Prokurori i Përgjithshëm çmon se shmangja e grumbullimeve të këtij lloji, si rrezik i lartë për përhapjen e virusit, është e vetmja garanci për kufizimin e përhapjes së infeksionit dhe siguron mbrojtjen e shëndetit të prokurorëve, oficerëve të policisë gjyqësore, punonjësve të administratës dhe të qytetarëve.’’ shkruhet në njoftimin zyrtar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
