Deputeti i Partisë Demokratike Luan Baçi u paraqit paraditen e kësaj të premteje në Prokurorinë e Posaçme.
Mësohet se deputeti demokrat është kallëzuar për fshehje të një pasurie prej gati 800 mije euro me një investim me njeriun e tij të afërt.
Në një prononcim për mediat, Luan Baçi tha se nuk është rihapur si çështje.
Ka qenë një kallëzim dhe është pushuar si çështje. Është hetuar pasuria ime fill e për pe, në të gjitha detajet pa asnjë lloj problemi. Unë hyj tek ata njerëz që kam transparencë të plotë të punëve të mia dhe biznesit tim.
Jam shumë i qetë, shumë normal. Nuk kam asnjë lloj problem. Është mbyllur si çështje, është hetuar me muaj të tërë, dhe çështja është mbyllur. Nuk mendoj se është rihapur. I njëjti kallëzues patronazhist ka ardhur përsëri e ka bërë kallëzim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
