Gjatë konferencës së përbashkët me homologun Dendias, Ministrja e Punëve të Jashtme të Kosovës, Donika Gërvalla, tha se është i mirëseardhur roli i Athinës në përpjekjet për ulje të tensioneve.
“Biseduam rreth iniciativave për të bashkëpunuar në kulturë dhe bashkëpunim të ndërsjellë. Kosova ka aplikuar për anëtarësim në Bashkimin evropian dhe në Këshillin e Evropës dhe Kosova është në rrugën e saj drejt NATO. Kosova nuk është rast i veçantë në zhvillimet gjeopolitike vetëm në raport në raport me Serbinë, por të veçantë e bën edhe fakti që ka popullin më pro evropian dhe më pro NATO në kontinentin tonë. Është fat historik që jemi të përkushtuar ta ndjekim”, shtoi ajo.
Dendias e vendosi theksin te dialogu Kosovë-Serbi, duke u shprehur se ai duhet të vazhdojë.
“Në analizat tona të fundit BE-ja është destinacioni përfundimtar për gjithë Ballkanin Perëndimor. Duhet të bisedojmë për bashkëpunimin në aspektin energjetik. Greqia është e gatshme ta ndihmojë Ballkanin Perëndimor. Ne e mbështesim plotësisht dialogun Prishtinë-Beograd dhe marrëveshjet ligjërisht të obligueshme. Është e rëndësishme që nga të dyja palët të zbatohet ajo që është arritur”, ka thënë ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
