Endi Biba, inxhinier mjedisi tha përmes një lidhjeje të drejtpërdrejtë me studion e lajmeve të MCN Tv se niveli i dyoksidit të karbonit, metanit dhe dyoksidit të azotit kanë tejkaluar normat që janë të përcaktuara sipas ligjit të BE-së.
Sipas Bibës, niveli i gazit të metanit ka qenë 4 herë më i lartë se norma e lejuar dhe ai i dyoksidit të karbonit gati 2 herë më shumë.
Disa vlera që vlejnë për të përmendur janë dyoksidi i karbonit, metani dhe dioksidi i azotit bashkë me grimcat organike VOC të cilat kanë tejkaluar normat që janë të përcaktuar sipas ligjit të BE-së.
Duke qenë se ky është një rast jashtë normales, një djegie masive, normat janë 350 ppm për dyoksidin e karbonit, ndërkohë që vlerat që arritëm të marrim në disa pika të ndryshme në një rreze prej 200-300 metrash larg vend depozitimit ku po ndodhte djegia masive ishin rreth 500-600 ppm, gati dyfishi i normave të lejuara. Metani arrinte 3-4 herë më shumë se norma e lejuar.
Biba tha se në raste të tilla, qytetarët duhet të izolohen pasi niveli i këtyre gazrave sjell probleme të rënda me shëndetin.
Në tilla raste është emergjente, duhet të ndodhë izolimi dhe largimi për disa ditë pasi përqendrimi është i lartë dhe mund të shkaktojnë probleme në shëndet, probleme me frymëmarrjen, qarkullimin e gjakut, zemrën etj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
