Miqësia e një vajze 19-vjeçare me një djalë rezultoi se ishte një lidhje shumë më e fortë se ajo shoqërore. Shumë prej atyre që i njihnin Georgia Bond dhe mikun e saj më të mirë, Jack Bowman, u kishin thënë shpesh se dukeshin si vëlla e motër. Në fakt, ata zbuluan se janë të tillë. Të dy të ardhur në jetë me ngjizje artificiale. Shumë të përbashkëta që nuk mund të ishin thjesht koincidenca bënë që dy të rinjtë të viheshin në kërkim të baballarëve biologjikë.
“Kemi qenë gjithë jetën miq të mirë. Shpesh kemi bërë shaka duke thënë se ka mundësi të kemi të njëjtin baba për shkak të gjërave të shumta që kishim të përbashkëta. Por pasi kërkuam informacion për baballarët tanë biologjikë, na rezultoi se kishim një të vetëm. Pas disa javësh pritje, sot na erdhi përgjigjja se jemi fëmijët e të njëjtit dhurues sperme. Praktikisht jemi motër e vëlla. Jam njeriu më i lumtur në botë”, shkruan vajza në rrjetet sociale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
