Nënë Liza tashmë e kthyer në një personazh nga protesta e 5 majit, në studion e ‘Të Pa ekspozuarit’ ka deklaruar se janë lajmëruar se do ju prisheshin banesat vetëm 5 ditë para. Ajo tregon se si në 19 janar ka ardhur policia dhe teksa ajo ka bërë rezistencë ata kanë shtyrë njërin nga djemtë e saj dhe tjetrin e ka futur në fugonin e policisë.
Teksa rrëfente ato momente ajo tha se nuk i kanë lejuar që të marrin asgjë nga banesa edhe kur ajo ka kërkuar të merrte ilaçet dhe rrobat e vdekjes të cilat ishte kujdesur ti blinte dhe ti ruante për atë ditë sipas traditës.
5 ditë para na lajmëruan. Në 19 janar erdhi turma e policisë sikur të kishim qenë në Afganistan. Djalin e madh e tërhoqën nga krahu, të voglin e futën në fugon, i thash të marr ilaçet dhe të brendshmet e mia të marr dhe rrobat e mia të vdekjes, dhe nuk më lanë asgjë të merrja. Mbushën nja dy makina dhe ato nuk e di nga i çuan. Ky është shteti shqiptar se po të ishte puna për luftë i merr djemtë e mi dhe i çon në Afganistan. Nuk më lanë të merrja asgjë vetëm rrobat e veshura. Nga ajo ditë kam jetuar te një dhomë e rrënuar në shtëpinë time pa drita dhe ujë. Kërkojnë të dhurojmë shtëpinë. Sa na kanë shembur shtëpitë na kanë çregjistruar dhe nga gjendja civile emrat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
