Politologu Ilir Kalemaj në MCN Live kakomentuar protestat e opozitës ku u ndal te mosbindja civile për të cilën u shpreh se nuk duhet të ishte e dhunshme.
Ai tha se problemi është te kauza, po a i ka apo jo sepse kërkesa themelore e opozitës duket se është lirimi i Berishës dhe bashkë me të dhe Salianji. Sipas tij opozita ka parë se përballë Ramës mund të bëjë vetëm revoltë duke çuar njerëzit në protesta.
Mosbindja civile në botë i referohet mospagesës së taksave deri në revoltë, edhe një person i vetëm mund ta filloj mosbindjen civile, por problemi është te kauza, morali politik, a i ka apo jo sepse nëse ti flet për mosbindje civile mund të bllokosh rrugët, mund të mos paguash taksat, por pa kaluar në dhunë.
Kërkesa themelore e opozitës është lirimi i Berishës dhe bashkë me të dhe Salianji, pastaj vijnë krijimi i qeverisë teknike dhe garantimi i zgjedhjeve të lira, të cilat këto dy të fundit janë të lidhura ngushtë me njëra-tjetrën.
Problemi është se ne e bëmë dhe në 2017 qeverinë teknike dhe PD pësoi humbje të thellë, pra nëse Rama u jep qeverinë teknike, a është ky basti i opozitës apo burgosja politike e liderit të saj. Kështu që opozita ka parë se përballë Ramës mund të bëjë vetëm revoltë duke çuar njerëzit në protesta.
Ndërsa lidhur me vizitën e ËErdogan ditën e djeshme në Tiranë ku u inaugurua dhe xhamia e Namazgjasë, Kalemaj tha se Rama e shfrytëzoi vizitën e presidentit turk.
E shfrytëzoi Rama disi miqësinë që ka me Erdogan dhe vizitën e tij në Tiranë, se sa i përket dimensionit të politikës së jashtme nga Meloni, Erdogan apo Orban që është duke u takuar sot është duke performuar në kapacitete maksimale dhe nga jashtë të paktën nuk mund ti vijë ndonjë rrufe në qiell të hapur. Lidhur me vizitën specifike, xhamia e Namazgjasë duket se ishte kryefjala, por bashkë me të erdhën dhe një paketë memorandumesh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
