Ish-kandidatja presidenciale nga radhët e republikanëve, Nikki Haley tha se ka në plan të votojë për Donald Trump, ish-kundërshtarin dhe shefin e saj, në zgjedhjet presidenciale të 2024-ës në SHBA.
Haley, e cila ka shërbyer si ambasadore në Kombet e Bashkuara, ishte e fundit nga rivalët e tij kryesorë që u largua nga gara paraprake e partisë, në fillim të marsit.
Ditën e djeshme Haley, tha se Trump nuk ka qenë perfekt, por që presidenti Joe Biden ka qenë një katastrofë.
Unë do të votoj një president që do të kërkojë llogari nga armiqtë tanë, që do të sigurojë kufirin, që do të mbështeste kapitalizmin dhe lirinë, që e kupton se ne kemi nevojë për më pak borxhe jo më shumë borxhe.
Trump nuk ka qenë perfekt në këto politika, por Biden ka qenë një katastrofë. Kështu që unë do të votoj për Trump.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
