Një grup auditimi i KLSH ka mbërritur në Bashkinë e Vlorës lidhur me procesin e landfillit, raporton korrespondenti i MCN Tv. Grupi i përbërë nga 4 persona do të qëndrojë pranë bashkisë për dy muaj, ku i kanë kërkuar institucionit dokumentat e ndërtimit të landfillit Sherisht të Vlorës dhe mënyrës se si është ndërtuar.
KLSH pritet të vlerësojë dhe evidentojë nëse ka shkelje në ndërtimin landfillin e Vlorës, apo shkelje të ndryshme që kanë të bëjnë me efektivitetin dhe menaxhimin e landfillit.
Grupi i auditimit ka në fokus ndjekjen e procedurave ligjore në menaxhimin financiar të projektit, mbi hartimin, miratimin, ndryshimin dhe zbatimin e planit të prokurimeve. Gjithashtu në drejtimet kryesore të këtij auditimi, janë ndjekja e procedurave ligjore në miratimin e marrëveshjes së financiamit.
Në një intervistë për mediat në 16 shkurt drejtoresha e NSHP Erinolda Lushaj u shpreh se landfilli do të jetë gati në muajin prill, duke u vënë në funksion dhe sipas saj në këtë mënyrë do të marrë fund djegia e mbetjeve në qytet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
