Deputetja demokrate, Grida Duma, ka komentuar rrjedhjen e votave nga PD-ja për miratimin e emrit të Gramoz Ruçit në postin e kryetarit të Kuvendit. Në një intervistë për “Orën”, Duma, e cila mban detyrën e zëdhënëses së PD-së, e quajti votimin një manipulim.
“Vazhdoj të them qartësisht dhe pa asnjë ekuivok që manipulim për mua është një bashkësi e gjerë, që përfshin edhe shitblerjen edhe rrjedhjen e votave. Me kaq mbyllet ky diskutim!”, tha ajo.
Duma tha se mbetet në dorë të grupit parlamentar vendimi për ngritjen e një komisioni hetimor në lidhje me votimin.
“Mbetet vendim i grupit. Të gjitha alternativat janë diskutuar dhe janë matur në raport me mundësinë për ta realizuar këtë”, tha ajo.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
