“Veriu”/ Kuçi: Reagimi i Shqipërisë shumë i vonuar, rol të ftohtë ndaj Kosovës

Analisti Gurakuç Kuçi thotë se ndërkohë që barrikadat ndodhen në ditën e 19-të të tyre, KFOR ka kërkuar kohë për heqjen e tyre, ndonëse prania e tyre rrit tensionet në Veri të Kosovës.

Në një lidhje me studion e lajmeve të MCN Tv, për lirimin në “arrest shtëpie” nga gjykata të ish-zyrtarit serb të Policisë së Kosovës, Dejan Pantiç, ai tha se qeveria ka deklaruar se janë befasuar me vendimin e gjykatës për kalimin e tij në “arrest shtëpie”.

Por Kuçi shtoi se i duket më tepër si vendim taktik se sa nuk ka qenë e njoftuar qeveria e Kosovës apo se një vendim i tillë mund të ketë ardhur nga ndërhyrja e ndërkombëtare për lirimin e Pantiç, në mënyrë që të mos shkohet drejt një konflikti më të nxehtë.

Lidhur me faktin se gjatë mbrëmjes së djeshme ka pasur një deklaratë nga ministrja e Jashtme e Shqipërisë që dënonte tensionet në veri të Kosovës, Kuçi e cilësoi tejet të vonuar

Edhe shtete shumë të largëta kanë bërë reagime më të shpejta se sa Shqipëria. Nuk është faji i Shqipërisë, por i politikanëve në dy anët e vendeve.

Ky reagim ishte shumë i vonuar dhe në vend të kërkonte nga Serbia masa të menjëhershme për largimin e barrikadave, shkëputje të marrëdhënieve të ndryshme dhe të dilte në Ballkani i Hapur, vetëm e dënoi.

Shqipëria duke mbajtur një rol kaq të ftohtë ndaj Kosovës, po ndikon që të shtrihen planet ruse në Ballkan. Këto janë gabime që Serbia po i shfrytëzon për interesat e veta.

Duhet parë roli i qeverisë së Kosovës që të mos ketë marrëdhënie kaq të ftohta me Shqipërinë, se duhet të jemi të bashkuar dhe jo të na ndajë gjithkush.

Ballkani i Hapur e ka humbur kuptimin e vetë, sidomos nga marrëveshjet e arritura nga vendet e Ballkanit Perëndimor.

Nismat e vërteta janë ato që iniciohen nga SHBA dhe BE dhe shqiptarët duhet të futen me politikë të njehsuar dhe jo me faktorë të tjerë që janë kundër shqiptarëve.

Projektet e Serbisë dhe të Rusisë janë të përbashkëta.