Pesë anëtarët e familjes Lesi në fshatin Katund i Vjetër në Mirditë, kanë shpëtuar për mrekulli pasi një masiv shkëmbor ka rënë pranë banesës së tyre.
Ngjarja ka ndodhur gjatë mbrëmjes së djeshme, ndërsa fatmirësisht nuk është shënuar asnjë person i lënduar. Guri i përmasave të mëdha ndaloi pak centimetra para se të përplasej me murin e shtëpisë.
Në momentin e ngjarjes pjesëtarët e familjes Lesi kanë qenë në gjumë, por duke qenë se guri ka rënë nga një distancë prej disa metrash tronditja dhe zhurma e shkaktuar ka qenë mjaft e fortë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
