Këtë të enjte u zhvillua në Gjykatën e Durrësit, seanca gjyqësore për caktimin e masës së sigurisë për dhjetë shtetasit kosovarë, të cilët u arrestuan në portin e Durrësit pasi tentuan që të kalonin drejt Italisë 16 të mitur.
"Arrest në burg" ka vendosur kjo gjykatë për Besmir Haxhikadrinë, i dyshuar për veprën penale “Ndihmës për kalim të paligjshëm të kufijve”.
Për Blerim Bytyqin, u caktua masa shtrënguese “Arrest në burg” me afat 30 ditë, i dyshuar për të njëjtën vepër penale.
Ndërsa, për 8 të arrestuarit e tjerë u vendos masa “Detyrim paraqitje në policinë gjyqësore”, dy herë në muaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
