Ministri i Jashtëm turk Hakan Fidan thotë se "Izraeli jo vetëm që po kryen gjenocid në Gaza, por tani po e shtrin këtë luftë në Bregun Perëndimor, Liban dhe kombe të tjera potenciale që i konsideron si armiq, të cilët ne nuk mund t'i dimë apo parashikojmë".
Fidan tha në një konferencë të përbashkët shtypi me homologun e tij slloven në Lubjanë se Izraeli ka kryer okupim, shtypje, mizori dhe masakër në rajon dhe i bëri thirrje bashkësisë ndërkombëtare që të ndalojë krimet izraelite që kryhen në territoret palestineze.
“Qeveria Netanyahu vazhdon të luajë me zjarrin. Ajo po rrezikon të ardhmen e të gjithë rajonit për të ruajtur pozicionin e saj. Të gjithë ata që qëndrojnë të heshtur për çështjen e Gazës, veçanërisht ata që mbështesin Izraelin pa kushte, janë nën një barrë. Barbarisë së Izraelit më në fund duhet t'i vijë fundi”, tha ai.
Ministri i bëri thirrje gjithashtu komunitetit ndërkombëtar që të përdorë të gjithë mekanizmat e disponueshëm të presionit diplomatik për të ndaluar luftën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
