Më shumë se një javë pas rënies së qeverisë Barnier, e rrëzuar me një mocion mosbesimi, presidentri Macron emëroi këtë të premte François Bayrou kryeministër të ri të Francës.
Në moshën 73-vjeçare, në të njëjtën moshë me paraardhësin e tij të krahut të djathtë, drejtuesi i MoDem bëhet kryeministri i katërt i Emmanuel Macron në më pak se një vit dhe i gjashti që nga viti 2017.
Macron ka qenë nën presion për të zgjedhur një kryeministër që do të jetë në gjendje të kapërcejë ndarjet e thella në parlament dhe të miratojë me sukses një buxhet për të luftuar deficitin e zmadhuar të Francës.
Kush është François Bayrou?
Rrugëtimi politik i François Bayrou filloi në Pyrenees-Atlantiques. Ai u zgjodh këshilltar i përgjithshëm, më pas u bë deputet.
Bayrou u zgjodh gjithashtu kryebashkiak i Pau në prill 2014 dhe në 2020), pastaj president i komunitetit urban në Pau-Pyrénées (2014 dhe 2020).
Në vitin 1993 u emërua Ministër i Arsimit, detyrë të cilën e mbajti për më shumë se katër vjet.
Bayrou u zgjodh kryetar i UDF-së në vitin 1998 dhe, në vitin 2002, kandidatura e tij për Presidentin e Republikës mori dy milionë vota.
Lufta kundër borxhit ishte një nga pikat e tij të forta gjatë fushatës presidenciale të vitit 2007. Gjatë këtyre zgjedhjeve, ai fitoi gati 19% të votave.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
