Drejtori i përgjithshëm i OBSH-së, Tedros Adhanom Ghebreyesus, po mendon të riaplikojë për një mandat të dytë pesë-vjeçar në krye të agjencisë së Kombeve të Bashkuara. Lajmin e bën të ditur faqja Stat.
Nuk është e qartë nëse do të ketë kandidatë të tjerë për të sfiduar etiopianin 56-vjeçar, i cili në 2017 u bë drejtori i parë afrikano-amerikan i OBSH. Mandati i Tedros u karakterizua nga kriza shëndetësore të papara. Një vit pas emërimit të tij, ebola shpërtheu në Republikën Demokratike të Kongos, e dyta më e madhe deri më tani, një epidemi që u dëshën dy vjet për t'u zbutur. Dhe pa u kufizuar ende plotësisht, mbërriti pandemia e Covid-19.
Menaxhimi i krizës së koronavirusit nga OBSH u kritikua ashpër nga Presidenti i atëhershëm Donald Trump i cili e akuzoi Tedros se ishte i dominuar nga Kina dhe i kishte nxjerrë SHBA-të nga OBSH-ja. Sidoqoftë, ka nga ata që besojnë se etiopiani mund të marrë një mandat të dytë.
Procesi për zgjedhjen e personit që do të drejtojë agjencinë e KB nga 2022 deri në 2027 filloi muajin e kaluar, kur OBSH u dërgoi një letër vendeve anëtare duke i informuar ata se mund të emëronin kandidatë për mandatin tjetër. Afati i fundit për dorëzimin e aplikimeve skadon në mes të shtatorit; kandidatët do të shpallen në fund të tetorit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
