Prej disa ditësh maturantët që ende nuk kanë rezultuar fitues në asnjë fazë nuk kanë mundur të njihen me kuotat e lira në institucionet e arsimit të lartë privat në vend. Në portalin klasifikimi.ualbania.rash.al që prej datës 20 publikohen vetëm kuotat e lira në universitetet publike. Një ditë më parë Lëvizja për Universitetin publikoi disa foto përmes të cilave evidentohej shtimi i kuotava te lira në universitetet private. Ajo që vërehej është se numri i kuotave të lira ishte shumë më i lartë se kuotata në total duke shtuar kështu dyshimet për korrupsion.
Portali përmes së cilit maturantët mund të marrin informacion administrohet nga Rrejti Akademik Shqiptar, financohet nga Ministria e Arsimit, ndërsa kjo e fundit ende nuk ka dhënë një version zyrtar mbi këtë çështje dhe dyshimet e ngritura.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
