Kampionati Botëror U23 do të zhvillohet në datat 21 – 27 tetor pranë ambienteve të Parkut Olimpik “Feti Borova”.
Orges Liçaj, trajner i mundjes tha përmes një lidhje “Skype” me studion e MCN Informacion se në garë marrin pjesë 80 shtete, me 1600 sportistë.
Liçaj tha se gara është e fortë dhe shtoi se shpreson që sportistët shqiptarë të jenë afër zonës së medaljes.
Është një pjesëmarrje shumë e madhe. Marrin pjesë 80 shtete në këtë aktivitet botëror, për moshën U23.
Atmosfera është shumë e zjarrtë, ka shumë energji. Ne jemi në mesin e rrugës sonë. Nuk mund të jap një përgjigje të saktë si do shkojë pjesa e sportistëve tanë. Është garë e fortë, është kampionat botëror. Shpresoj të jemi afër zonës së medaljes.
Janë 80 shtete pjesëmarrëse, 1600 sportistë të ardhur për këtë aktivitet. Gara është jashtëzakonisht e fortë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
