Berisha nën hetim/ Meta: Akt-akuza u bë nga Rama në Kongresin e PS. Inceneratori i Tiranës, gurë prove për drejtësinë (VIDEO)

Kreu i Partisë së Lirisë, Ilir Meta, doli sot në një konferencë për media, ku e konsideroi kryeministrin Edi Rama, arkitekt të vjedhjes shtetërore përmes inceneratorëve. I pyetur për hetimin ndaj Berishës, Meta tha akt-akuza është bërë nga Rama në Kongresin e PS.

Sa i takon qëndrimeve ndaj z.Berisha nga ana e prokurorëve të SPAK apo përfaqësues të gjykatave që kanë shqyrtuar këtë çështje, dëshiroj të shpreh keqardhjen për këtë rrëshqitje, e cila s’është e papritur, të të ashtuquajturës drejtësi e re, e cila anashkalon Parlamentin, del mbi Kushtetutën, del mbi Konventën Europiane të të drejtave të Njeriut. Është akt-akuzë që është bërë në Kongresin e PS nga Edi Rama. Është e diktuar në çdo element prej tij, i cili për ish-klubin sportiv është personi kryesor që ka marrë përgjegjësinë për ndërrimin e destinacionit. Emri i Ramës nuk del në dosjen për privatizimin e ish-kompleksit Partizani dhe te inceneratorët!”.

I pyetur për persona që janë thirrur nga SPAK nga PL, Meta tha se do të jemi gjithnjë të hapur për çdo hetim, në respektim të Kushtetutës dhe ligjit. 

Kreu i Partisë së Lirisë vuri në dukje se inceneratori i Tiranës është guri e provës për drejtësinë.

Edi Rama është arkitekti i vjedhjes shtetërore me tre inceneratorët duke vendosur gjithë qeverinë dhe kukull-ministrat e tij në funksion të këtyre skemave zhvatëse, që kanë treguar se sa thellë janë të gatshëm ata për futur dorën në xhepin e qytetarave dhe të vjedhin pa turp edhe lekët e fundit të bukës apo të ilaçeve.  Inceneratori i Tiranës është guri i madh provës për drejtësinë dhe është dëshmia pse Shqipëria thellohet keq e më keq në gropën e zezë të korrupsionit dhe renditet e fundit në indekset globale për shtetin ligjor dhe luftën ndaj korrupsionit.  Ju e shikoni edhe nga zhvillimet e fundit që Parlamenti është kapur për fyti nga kryeministri. Bllokimi i të gjitha koncesioneve hetimore, është dëshmi e pakundërshtueshme e qëllimit të qeverisë për të mos dhënë llogari në Parlament”.