Ivica Daçiç vlerëson se ndarja e Kosovës është zgjidhja e vetme e mundshme dhe e shpejtë, por sipas shefit të diplomacisë serbe, duhet të shihen të gjitha opsionet e mundshme.
Në një reagim për mediat vendase, ministri i Jashtëm, Daçiç, thotë se për Perëndimin opsioni i vetëm është njohja e pavarësisë së Kosovës.
“Për ndarjen po flas prej 10-15 vjetësh dhe mendoj se kjo është zgjidhja e vetme e mundshme dhe e shpejtë. Megjithatë, kjo nuk është e vetmja zgjidhje, duhet të shohim të gjitha opsionet e mundshme. Për Perëndimin, opsioni i vetëm është njohja e pavarësisë së Kosovës”, tha Daçiç.
Sipas tij, ka mungesë të zgjidhjeve të zbatueshme, si dhe mungesë propozimesh.
“Do të ishte mirë që të gjithë të sjellin propozimet e tyre, dhe të mos shkojnë me qëndrimet nacionaliste që nuk janë të pranueshme për asnjërën palë”, tha ministri Daçiç.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
