Fushata elektorale për zgjedhjet presidenciale të vitit 2024 është zhvendosur në Georgia, atje ku presidenti Joe Biden dhe kandidati republikan për president Donald Trump për herë të parë këtë vit, ndodhen njëkohësisht në këtë shtet të rëndësishëm për betejën zgjedhore.
Presidenti Biden ndërkohë është përballur me kritika të shumta gjatë fushatës elektorale në lidhje me luftën në Gaza, edhe pse ky i fundit e ka patur një paralajmërim për Izraelin.
“Ka vija të kuqe që Izraeli nuk duhet ti kalojë në luftën e tij në Gaza, edhe pse SHBA-të nuk do ta braktisin kurrë aleatin e tyre.”, tha Biden.
Po ashtu, gjatë fushatës në Georgia një aktivist pro-palestinez i cili ka ndërprerë fjalën presidentit Biden, duke e akuzuar si diktator.
Ndërsa për kundërshtarin tij politik Trump, sfida mbetet akoma sigurimi si kandidati zyrtar i republikanëve, vendim që pritet të merret të martën, atëherë kur Georgia, së bashku me Havajin, Misisipin dhe Washingtonin do të mbajnë zgjedhjet e tyre paraprake.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
